काठमाडौं ।

फेसबुक समूह’बुहारी ग्रुप’ले चिल्ड्रेन होमका बालबालिकालाई खाद्यान्न लगायतका सामान वितरण गरेको छ।

‘बुहारी ग्रुप’स्थापानाको ७ औ वार्षिकोत्सवको अवसरमा ग्रूपले ललितपुर धापाखेल स्थित Save blessing children home का २५ जना बालबालिकाहरूको लागी ४० हजार रुपैयाँ बराबर को स्टेशनरी, खाद्यान्न, पानी र खाजा वितरण गरेको हो ।

समूह सञ्चालीकाहरु प्रभा आचार्य, तुलसा आचार्य गौतम र रूपा गुरूङको अग्रसरतामा उक्त कार्यक्रमको आयोजना गरिएको हो ।

ग्रूप एडमिन प्रभा आचार्य , मेम्बरहरु सुधा सिग्देल गौतम, प्राप्ति आचार्य भट्टराई, सुस्मिता आले बस्नेत, सृजना थापा, सीमा बनिया, रन्जु गिरी आचार्य, र सीता प्याकुरेलले बालबालिकाहरु समक्ष गएर उक्त सामान हस्तान्तरण गरेका थिए ।

हरेक वर्ष बार्षिकोत्सवमा यस्तै डोनेशन गर्दै आएको ग्रूप बि.स. २०७४ जेठ ११ गते स्थापना भएको थियो । उक्त समूहमा विवाहित महिला हरू मात्र मेम्बर बन्न पाउछ्न् ।

समूहले प्राकृतिक प्रकोप लगायत विभिन्न रोगहरूले ग्रसित, आर्थिक अभावले उपचार गर्न नसकेका बिरामी हरूलाई आर्थिक सहयोग समेत गर्दै आएको छ । ग्रुपमा नेपालभरका र विभिन्न देशमा बसोबास गर्ने १५ हजार भन्दा बढी मेम्बर रहेका छन् ।