कोलकत्ता।

बलिउड अभिनेता मिथुन चक्रवर्तीको अवस्था सामान्य रहेको जनाइएको छ । छाती दुख्ने समस्याका कारण उनी हिजो बिहान कोलकाताको एक निजी अस्पतालमा भर्ना भएका थिए ।

अभिनेताबाट बीजेपी नेता बनेका मिथुन चक्रवर्तीलाई हिजो बिहान १०ः३० बजे अस्पतालमा भर्ना गरिएको थियो  । हाल उनको उपचार भइरहेको र उनको स्वास्थ्य अवस्था खतरामुक्त रहेको छ ।

अभिनेताको स्वास्थ्यलाई लिएर प्रशंसकहरू पनि चिन्तित छन् र उनको लागि निरन्तर प्रार्थना गरिरहेका छन्।

७३ वर्षीय मिथुन चक्रवर्तीले फिल्मको सुटिङबाट घर फर्केपछि असहजता प्रकट गरेपछि उनलाई तत्काल अस्पताल लगिएको थियो, जहाँ उनको उपचार भइरहेको छ । उनको स्वास्थ्यबारे थप जानकारी आउन बाँकी छ ।

‘मिथुन चक्रवर्तीलाई भर्ना गरिएको र चिकित्सकको निगरानीमा राखिएको छ, थप जानकारी पछि दिनेछौं, अस्पतालका प्रवक्ताले भने, “एमआरआई रिपोर्ट पर्खिरहेको छौं। उनी हाल न्युरोमेडिसिन विशेषज्ञको निगरानीमा आईसियुमा छन्।’

मिथुन चक्रवर्ती फ्यानमा मिथुन दाको नामले चर्चित छन्। हालसालै उनी डान्स बंगला डान्सलाई जज गर्दै देखिएका थिए। मिथुन चक्रवर्तीले विभिन्न भारतीय भाषाहरूमा गरेका छन्। भारतमा ३५० भन्दा बढी फिल्महरू छन्।

उनले पहिलो पटक आफूलाई पद्मभूषणबाट सम्मानित गरिएको सुन्दा पत्याउनै नसक्ने बताएका थिए । मिथुन चक्रवर्तीलाई हालै पद्मभूषण पुरस्कार २०२४ बाट सम्मानित गरिएको थियो।