रुपन्देहीको सम्मरीमाई गाउँपालिका अध्यक्ष बिनोद कुमार श्रीवास्तवका २६ वर्षीय छोरा अभिशेक श्रीवास्तवमाथि अज्ञात समूहले टाउकोमा रड प्रहार गरि घाइते बनाएको छ।
प्रहरीका अनुसार, अभिशेक मंगलबार बेलुका करिब ८:३० बजे सम्मरीमाई–२ बनगाईबाट सम्मरीमाई–१ पिपरी करौता स्थित आफ्नो निवास तर्फ जाँदै गर्दा पछाडिबाट आक्रमणमा परेका हुन् ।
आक्रमणकारीको प्रहारबाट घाइते भएका अभिशेकलाई युनिभर्सल कलेज अफ मेडिकल साइन्सेज, भैरहवामा उपचारका लागि लगिएको छ। हाल अभिशेकलाइ मेडिकल काँलेजको आइसीयू वार्डमा भर्ना गरिएको र उनको स्वास्थ्य अवस्थाबारे जानकारी प्राप्त गरिरहेको प्रहरीले जनाएको छ।
इलाका प्रहरी कार्यालय मर्चवारका प्रमुख एवम् प्रहरी निरीक्षक घनदेव साउदले घटनाबारे अनुसन्धान थालिएको र अज्ञात आक्रमणकारीहरूको पहिचानका लागि प्रयास भइरहेको जानकारी दिएका छन्।