काठमाडौँ ।

देशको पूर्वी भू–भागमा मनसुनी वायुको सक्रिय प्रभाव देखिएको छ।

जसका कारण कोशी प्रदेशका तराईका भूभागमा भारी वर्षा भइरहेकाले जल तथा मौसम विज्ञान विभागले तटीय क्षेत्रका मानिसहरूलाई सतर्क रहन भनेको छ।

पछिल्लो २४ घन्टामा मोरङको लेटाङमा १८३ मिलिमिट वर्षा भएको छ। त्यस्तै झापाको कन्काइमा १४२.६ र मैनाचुलीमा १३१.८ मिलिमिटर पानी परेको छ। यता सुनसरीको धरानमा पनि भारी वर्षा मापन भएको छ। त्यहाँ पछिल्लो २४ घन्टामा १३९.४ मिलिमिटर वर्षा भएको छ।

अहिले कोशी, मधेस, बागमती र गण्डकीका अधिकांश भूभागमा वर्षात् भइरहेको छ।

पछिल्लो तीन घन्टामा सिन्धुपाल्चोकको ढुंगेमा ३७ मिलिमिटर वर्षा भएको छ। काठमाडौं उपत्यकामा भने मध्यम प्रकृतिको वर्षा भइरहेको छ।

मनसुन कोशीबाट अन्यत्र विस्तार भइसकेको छैन। काठमाडौं आइसकेपछि पनि देशभर सक्रिय हुन थप चार–पाँच दिन लाग्ने मौसविद्काे भनाइ रहेकाे छ ।