शुक्लाफाँटा नगरपालिका १० झलारीका किसानले मेसिनको सहायताले रोप्नका लागि प्लाष्टिकको ट्रेमा तयार गरेको धानको बिउ । प्रधानमन्त्री आधुनिकीकरण परियोजनाको अनुदानमा किसानले २५ विघा जग्गामा आधुनिक तरिकाले खेती गर्न बिउ तयार गरेका छन ।

नवलपरासी(बर्दघाट सुस्तापूर्व)को कावासोती नगरपालिका-१५ कुडारमा काट्न तयार भएको हिउँदे धान खेती । यस क्षेत्रका किसानले हिउँदे धान थन्क्याएपछि असारमा धान रोपाई गर्ने गर्दछन् ।

म्याग्दीको रघुगंगा गाउँपालिका–८ छरीमा परम्परागत रुपमा बाख्रापालन गर्दै आएका स्थानीय भक्तिप्रसाद छन्त्याल बाख्रालाई चरन क्षेत्रमा लैजाँदै । उनको गोठमा एक सय बढी बाख्राका माउ र पाठापाठी छन् ।

भोजपुर नगरपालिका–५ बोखिमका किसानले मल्चिङ प्रविधिबाट गरिरहेको अकबरे (डल्ले) खुर्सानी खेती । यहाँका किसानले व्यवसायिक अकबरे खुर्सानीको खेतीबाट मनग्य आम्दानी गर्दै आएका छन् ।